ارخص وافضل مثبت مكياج من ماك لمكياج يدوم اكثر من 24 ساعة

setatwebanatworld.blogspot.com

مقادير كعك العيد
كيلو دقيق
نصف كيلو سمنة سايحة
كوب حليب أو لبن دافى
ملعقة كبيرة بيكنج بودر
2 ملعقة كبيرة سكر
ملعقة كبيرة ريحة كحك
سمسم (اختيارى)

الحشو
عجمية بالمكسرات

مقادير العجمية
كوب الا ربع عسل نحل
ملعقة كبيرة دقيق
ملعقة كبيرة سمنة أو زبدة
مكسرات مقطعة أو مجروشة

طريقة عمل العجمية أول حاجة هنقلب الدقيق مع السمنة على النار بشرط ان الدقيق لونه ميبقاش غامق اشقر بس وبعد كده ننزل عليهم بعسل النحل ونقلبهم كلهم مع بعض ونسيبهم يغلو على النار، هنلاقى الخليط تقل وبدأ لونه يغمق وابتدا يعقد يعنى يكون ليه قوام، وكل ماسبناه أكتر كل ماتقل اكتر يعنى انتى حسب مابتحبى قوامه
قبل مانطفى نضيف المكسرات المجروشة نقلبهم مع بعض ونطفى النار ونسيبها تبرد عشان نعرف نشكلها.

طريقة عمل كعك العيد الناعم هنجيب بولا كبيرة نحط فيها الدقيق ونحط عليه المكونات الجافة (البيكنج بودر وريحة الكحك والسكر) ونقلبهم ونحط السمسم ونقلبهم كويس ونعمل حفرة فى النص وننزل على الدقيق بالسمنة السايحة بس خلى بالكم السمنة لازم تكون دافيه مش مغلية عشان لو سخنة البيكنج بودر هيفسد ومش هينشط العجينة
ونقلبها كويس أوى بايدينا وبعد كده ننزل عليهم باللبن الدافى بالتدريج، نعجن كويس نبدأ نكور العجينة كور فى الحجم اللى احنا عايزينه ونجهز العجمية ونكورها كور صغيرة وناخد كورة عجينة ونعمل فيها حفرة فى النص نحط فيها كورة عجمية من اللى احنا عملناهم ونقفل عليها الاطراف كويس اوى عشان العجمية متطلعش منها اثناء الخبز، نحضر الاشكال اللى هنشكل بيها الكحك او القوالب المخصوصه للكحك (المناقيش) ونبدأ نرص الكحك فى الصوانى، وطبعا لازم الصوانى تكون مدهونة لو مش تيفال اخبزيه على حرارة 180 فى الفرن لغاية ماستوى والوش بقى لونه دهبى، ولما يبرد رشيه بالسكر بودرة وبالف هنا

التعليقات

أحدث أقدم